Gler seg over andre si meistring

— — Lange dagsturar i nærområdet eller på høgfjellet, til fots eller på ski.Det beste er dei turane der start og mål er på forskjellige stader.

— Kor reiser du helst på ferie?
— Vågslid for å slappa av.

— Kva er det beste med bygda du bur i?
— Nærleiken til alt, kort veg til Haugesund om det trengst, og kort veg til eit enormt utval av turmoglegheiter i kommunen vår og nabokommunane.
At ein kjenner dei fleste, at det er eit breitt tilbod av fritidsaktivitetar for dei fleste.

— Kva saknar du i bygda di?
— At fleire deltek i organisering og drift av lag og fritidsaktivitetar. Om fleire gjer litt, vil det bli mindre belastning på dei som bidreg allereie i dag. I dag er det ofte dei som har eigne aktive born og ungdommar som driv det frivillige arbeidet. Eg skulle ønskje me kunne skapt eit større engasjement blant dei som har gått over til å vera besteforeldre og vidare. Gleda av å sjå at andre menneske meistrar det dei trenar og øver på kvar dag, er undervurdert.

— Kva er ditt favorittmåltid?
— Heimelaga fiskegrateng.

— Kva gler og kva irriterer deg mest?
— Det som irriterer meg mest er å oppleva mangel på respekt for det andre har laga, bygd opp eller arrangert. Det som gler meg mest, er full aktivitet på begge fotballbanene på Vikaneset, og at UL Skjoldafjord, med sin fantastiske gjeng, klarer å trekkja fem fulle hus med musikalen We Will Rock You.

— Dersom du hadde politisk makt, kva ville du ha kjempa for?
— Eg ville kjempa for endå større løyvingar til idrett og fritidsaktivitetar. Ei krone ekstra brukt på folkehelse gir ti kroner i gevinst når ein vert gammal. Det kunne spart kommunen for enorme summar i helse- og omsorgsbudsjettet. Tenk om dei fleste kunne levd ti år lenger før dei hadde behov for offentlege omsorgstenester?

— Kva gjer du når du skal unna deg noko ekstra?
— Tek med frua på restaurant, helst i ein større by enn Haugesund.

— Kva er ditt beste barndomsminne?
— Vanskeleg å peika ut ei enkel hending, men eg tek med meg minne om mange fine sommarferiar hos farmor og farfar i Oltesvik (Gjesdal).

— Kven ser du mest opp til?
— Anna, kona mi. Ho er limet i familien, ho har kontroll på alt som skjer – kvar kleda er, kvar ungane er når dei ikkje er i Skjold, kva me skal ha til middag, når og kvar me skal på ferie. Ho har ein eigen ro, og energi til å vera raus med oss andre. Og når eg er så heldig å ha ei så god halvpart, er det stort sett berre å møta opp, pleier eg å seia.