Glad i fellesskapet i bygda

— Favoritthobby er vel å bytte på hobbyane. Akkurat no er det springing og trening det går mest i.

— Kor reiser du helst på ferie?

— Eg likar veldig godt å reise med campingvogn i Telemark saman med familien.

— Kva er det beste med bygda du bur i?

— Ja-kulturen og dugnadsånda, og ikkje minst fellesskapet.

— Kva saknar du i bygda di?

— Breiare vegar.

— Kva er ditt favorittmåltid?

— Det må vere heimelaga kjøttkaker.

— Kva gler og kva irriterer deg mest?

— Det som gler meg mest, er når alle rundt meg har det bra og får til det dei vil få til! Det som irriterer meg mest, må vere at eg er ein ekstremt dårleg tapar.

— Dersom du hadde politisk makt, kva ville du ha kjempa for?

— Skular og barnehagar i bygdene bør få vere i fred, og alle skal ha nok mat på bordet og ein grei økonomi.

— Kva gjer du når du skal unna deg noko ekstra?

— Då kjøper eg meg nye sko.

— Kva er ditt beste barndomsminne?

— Sommarane i Liå» med farmor og farfar.

— Kven ser du mest opp til?

— Farmor, utan tvil. Ei raus og god dame som alltid var med på leiken og hadde alltid open dør.