Glad for langt liv med avløysarar

— Nå er eg klar for å pensjonere meg, trur eg, så det kjennest heilt greitt. Det er på tide å sleppa nye krefter til, seier Håland. Ho vil finne litt ut etter kvart korleis pensjonisttilværet blir, men håpar å få reist litt meir enn før. I tillegg kjem ho til å gå turar, strikka mykje og ikkje minst stelle i drivhuset som ho har gitt seg sjølv i pensjonspresang. — Det har vore kjekke og interessante år i avløysarlaget, med veldig varierte arbeidsoppgåver! Ettersom me har kriseberedskap for bøndene, så seier det seg sjølv at i denne jobben har ein møtt folk i alle slags situasjonar. Eg har sett stor pris på å møte så mange kjekke folk, både bønder, avløysarar og kollegaer i andre lag, fortel Håland.