Gir støtte til næringsorganisasjon

— Vindafjord er ein næringsvennleg kommune, og me har fått til mykje saman med næringslivet, sa ordførar Ole Johan Vierdal (Sp) under formannskapsmøtet 8. april.

Åtte av ni medlemmar i formannskapet stemte for å gi kommunedirektør Yngve Folven Bergesen fullmakt til å utbetale årleg medlemsavgift til Fikse Næringsforening med utgangspunkt i 12 kroner per innbyggjar, eit samla tilskot på 217.056 kroner for 2024 og 2025. Dekninga i 2025 skal skje gjennom ubundne disposisjonsfond. Frå 2026 må medlemsavgifta innarbeidast i budsjettet. Ei årleg auke som overstig ordinær indeksregulering, må handsamast særskilt av kommunestyret.

Saka skal opp til endeleg behandling i kommunestyret tysdag 29. april.