Agnes Ravatn var ein av 96 kunstnarar i Vestland som fekk statens kunstnarstipend. Her frå ho fekk Bjørg Vik-prisen hausten 2025.
Samlaget (arkiv)
Agnes Ravatn jublar for stipend
– Det er jo ei voldsom anerkjenning. Det er veldig få stipend og heng veldig høgt. Det blir jo litt som at staten seier: Me vil at du skal halda fram med det du held på med. Det gir veldig inspirasjon, seier Ravatn.
Det toårige arbeidsstipendet gir ei årleg utbetaling på rundt 342.000 kroner, noko forfattaren meiner gir større fridom i skrivearbeidet.
– Det gir ein ekstra tryggleik og ei ro. Du får eit månadleg stipend, og det gjer at du kan konsentrera deg fullt om å skriva og sleppa å tenka på å få endane til å møtast på andre måtar så lenge stipendet varer. Det gir ein fridom i den perioden det varer, seier ho.
