Dronning Sonja og kong Harald kjem til Vindafjord i mai.
FOTO: JØRGEN GOMNÆS/DET KONGELEGE HOFF
Gir pengar til kongebesøk
Eit einstemmig formannskap vedtok tysdag å sette av 900.000 kroner til å gjennomføre kong Harald og dronning Sonja sitt besøk til Vindafjord i mai.
Vedtaket gir kommunedirektør Yngve Folven Bergesen mynde til å planleggje og legge til rette for gjennomføring av besøk av Kongeparet innanfor ei ramme på inntil 900.000, inkludert moms. Pengane vil bli henta frå generelt disposisjonsfond.
Folkefest, men dyrt
Mats Årvik (Frp) omtala det som råflott å bruke såpass mykje pengar på eit besøk, og viste til at han ser på Kongen som jordnær. Han slo fast at han støttar forslaget under tvil. Øyvind Valen (Ap) slutta seg til at det er mykje pengar for eit lite arrangement.
