Fyllekøyrte og krasja
Ei kvinne i starten på 40-åra blei i Haugaland tingrett dømt for å køyra i alkoholpåverka tilstand, etter ein køyretur som også enda i eit trafikkuhell med større materielle skadar.
16.000 kroner er beløpet kvinna frå Vindafjord må punga ut med, etter at ho i mai i år valte å setja seg bak rattet etter at ho hadde vore på fest. På denne festen drakk kvinna større mengder med både vin og brennevin.
Bakgrunnen for at kvinna bestemte seg for å køyra i ruspåverka tilstand, var at ho kom i krangel med eigaren av huset ho var på fest i, og køyrde frå staden i sinne. Det var smale vegar på strekninga ho køyrde, og før ho visste ordet av det hadde ho køyrt av vegen og hamna på taket. For dette lovbrotet kom retten fram til at 16.000 kroner i bot og tap av førarkortet i ein periode på to år, var ein passande dom. Subsidiert fengsel i 15 dagar.
Annonse
For å gjenerverva førarretten må kvinna ta full ny førarprøve, står det i dommen frå Haugaland og Sunnhordland tingrett, frå oktober 2023.
