Funn av miljøgifter
Betongpukk som kan innehalde miljøgifter har vorte blanda inn i fyllmassar til ein anleggsveg i Etnefjella.
Det er tiltakshavar for kraftanlegga i Litledalen, Sunnhordland Kraftlag (SKL), som har varsla miljømyndigheitene om at ein del av anleggsvegen frå Bassur til den nyleg forsterka dammen ved Krokavatnet i Etnefjella kan innehalde miljøgifter.
Tunnelmassar
I eit dokument som Grannar har fått innsyn i, skriv SKL til Fylkesmannen i Hordaland at prøver dei sjølv har rekvirert syner at det er høgare innhald av det kreftframkallande halvmetallet arsen enn normverdiane. Normverdien for arsen er 8 milligram per kilo. SKL sine prøvar frå fyllmassane i anleggsvegen viser innhald frå 12,4 milligram per kilo til 27,9 milligram per kilo.
