Fryktar for skulevegen
Eit korrigert reknestykke viser at det blir langt meir anleggstrafikk på Vikevegen frå Skjold til Dommersnes i Vikebygd enn først pårekna om industriområdet der blir sprengt ut til serieproduksjon for havvindnæringa. Iselin Eidhammer Tveit og Håvard Tveit fryktar konsekvensane av 60 lastebilar kvar vekedag for barna sin veg til skule og fritidsaktivitetar i bygda.
— Eg er mest bekymra for ungane som syklar og vil besøkje venner. Det blir til at me må køyre dei på besøk, seier Iselin Eidhammer Tveit.
Saman med Håvard Tveit har ho tre barn på 5, 7 og 10 år som likar å sykle. Dei bur eit stykke frå sentrum i Vikebygd og svingar av Vikevegen ved Krekavegen, som ligg litt forbi Trovåg når ein køyrer frå Skjold mot Vikebygd.
Innrømmer feil
