Bygg og bu
Frydar seg når våren kjem
Våren er ei travel tid for alle hageinteresserte. Lauv skal rakast, stauder delast, buskar klippast og frø skal såast. For Gro Aasheim Bøthun (69) i Skånevik er førebuingane alt godt i gang.
— Eg frydar meg når våren kjem. Det er kjekt å vera ute og bli skiten på fingrane, og eg startar tidleg med å rydda og klippa. Hekken har eg klipt og eg har raka lauv og høgtrykkspylt platting og heller. Eg kosar meg med å planleggja og stella i hagen, seier Grå Aasheim Bøthun og viser rundt i den velstelte hagen heime på Åsheim i Skånevik.
Ennå er det litt tidleg for den store våronna med deling av stauder og planting av blomar. Det må venta til gradestokken held seg stabilt på plussida.
— Ein bør ikkje dela staudar for tidleg. Nokre toler det, andre ikkje. Eg har ofte gjort feil med å vera for ivrig og starta for tidleg, seier ho.
