Pressesjef Jens Nordahl i Vinmonopolet seier at nordmenns vriding frå raudvin til lettare og lysare alkoholvarer har vore ein trend over tid.
Trond Reidar Teigen
Framleis fall i raudvinssalet: – Folk vil ha lett og lyst når sommaren varer lenger
Salet av raudvin er framleis størst, men har over mange år gått ned i Noreg. Ifølgje Vinmonopolet er ei forklaring at vêr og vin heng tett saman.
På midten av 1900-talet og fram til tidleg 2000-talet var det trendy å gå frå brennevin til raudvin.
Og enno er det raudvin det blir selt mest av her i landet. Men Vinmonopolet har over tid sett ei endring i nordmenns drikkvanar.
– Hovudtrenden no er at folk kjøper mindre raudt og mørkt, altså raudvin og brennevin. For vi har lenge sett, og det har vorte ytterlegare forsterka i 2025, at folk vil ha meir lett og lyst no.
