Leif Roald Bjelland trivst som bilseljar i dei siste yrkesåra sine.
Nils Tokheim
Frå store til små hjul
Leif Roald Bjelland (62) hadde arbeidsdagen prega av telefonen då han leia transportavdelinga i Ølen Betong AS. Det er drastisk mindre no etter at han for fire år sidan kjøpte seg inn i Knapphus Bil AS som han i dag leiar.
Han har alltid vore motorinteressert, og har eit humør, framferd og sosialt vesen som gjer at han passar godt som seljar. Han hadde 31 år bak seg i Ølen Betong då han skifta beite i 2022.
— Eg har berre godt å seia om åra mine i Ølensvåg, men eg trivst òg veldig som bilseljar, seier han om jobben som dagleg leiar av Knapphus Bil AS.
Bjelland kjøpte Ottar Endresen sin halvpart av bilfirmaet. Den andre eigaren var Johannes Sjurseike, men då endringa skjedde i 2022 kjøpte Nils Rune Sjurseike broren sin andel.
