Betonggründer Atle Berge har kjempa ei lang sak mot staten etter at han blei forsøkt verva av e-tenesta. Arkivfoto
Fortset kampen mot staten
Måndag gjekk startskotet for runde to av erstatningssaka mellom Ølen Betong Gruppen og Ølen Betong LLC versus Staten v/Justis-og beredskapsdepartementet i Borgarting lagmannsrett i Oslo. I løpet av fem dagar skal advokatane Hanne Kristin Skaarberg Holen og John Christian Elden føra saka for betonggründer og konsernsjef Atle Berge frå Ølensvåg som går til sak mot Staten etter at selskapet gjekk glipp av storkontraktar ved avdelinga i Murmansk i Russland.
Spionskuldingar
Berge meiner kontraktstapet kan knytast til eit verveforsøk frå norsk etterretning som førte til av Berge i 2016 blei pågripen på open gate i Murmansk av det russiske sikkerheitspolitiet FSB og tatt inn til avhøyr der han blei truga på livet og skulda for spionverksemd.
