Folka som bur her gjer bygda til ein fin plass å vera»

— Kva er din favoritthobby?

— Eg likar veldig godt å ta bilete, gå tur og lesa ein heil del bøker.

— Kor reiser du helst på ferie?

— Helst til eksotiske strøk, men om sommaren er favoritten noregsferie.

— Kva er det beste med bygda du bur i?

— Det beste med Vikebygd er folka som bur her, som gjer bygda til ein fin plass å vera. At ungane våre har eit trygt miljø å veksa opp i. Elles er det naturen, sjøen, fjella og roen ein finn her inne.

— Kva saknar du i bygda di?

— Me har det meste. Om eg må trekka fram éin ting, så saknar eg betre trafikksikring for ungane som skal kryssa vegen her inne.

— Kva er ditt favorittmåltid?

— Tapas og sushi.

— Kva gler og kva irriterer deg mest?

— Eg gler meg over fine stunder med familien og gode vener. Det som irriterer meg mest, er klaging over småting.

— Dersom du hadde politisk makt, kva ville du ha kjempa for?

— Då ville eg kjempa for å ta vare på naturen, ressursane og landbruket me har her i Noreg. Og meir førebyggande fokus på psykisk helse hos barn og unge – tiltak som mindre skjermtid, meir frileik, tid i naturen og rein mat.

— Kva gjer du når du skal unna deg noko ekstra?

— Eg set stor pris på god mat, spesielt den som andre har laga, så då et eg eit godt måltid ute på restaurant.

— Kva er ditt beste barndomsminne?

— Somrane i Nord-Noreg, i barndomsheimen til mor mi. Ein vakker, liten plass ved sjøen i Vesterålen.

— Kven ser du mest opp til?

— Det må vera den tolmodige og flinke sambuaren min, Vidar.