Næringsliv
Fokus på gjenskjøpsavtalen
Øystein Matre og Westcon Yards AS inngjekk for nokre månader sidan ein intensjonsavtale som ville gitt svært mykje vedlikehaldsarbeid dersom Frankrike hadde vunne fregattkontrakten som statsministeren, forsvarsministeren og forsvarssjefen offentleggjorde vinnaren av søndag.
Det var det engelske tilbodet som trakk det lengste strået i det som er det største forsvarskjøpet gjort til no.
Det er likevel ingen dagen derpå» for Øystein Matre.
Annonse
— Med Frankrike hadde det for oss vore ein kortare veg til endeleg avtale, seier Matre, som er administrerande direktør ii Westcon Yards AS.
Han har tidlegare i sommar uttalt til Grannar at det var verftet i Florø som ville vore staden der det aller meste av vedlikehald av fregattane ville blitt gjort.
Fleire forsvarsekspertar og fagfolk har uttalt at det var det franske tilbodet som var favoritten til å vinna oppdraget verdt rundt 135 milliardar kroner, men det blei altså det engelske.
Gjenkjøp
Annonse
Øystein Matre seier at no startar kappløpet for å få ein del av den veldige marknaden som opnar seg for gjenkjøpsavtalar som er ein del av fregattavtalen. Altså at norske bedrifter skal sloss om kontraktar frå England.
— Målsetjinga er 100 prosent gjenkjøpsavtalar, så jobben blir nå for leverandørar som oss å posisjonera seg. Vedlikehaldskontrakane er mykje lenger framme, minst 6 til 7 år, seier Matre.
Han eksemplifiserer dette med at det nok vil koma moglegheiter for Westcon Yards AS til dømes å ta del i bygging av kystvaktskip.
Slike gjenkjøpsavtaler skal i prinsippet bety at leverandørlandet tilbakefører kjøpet gjennom innkjøp frå kjøparlandet for tilsvarande verdi.
