Fleirtal for femdagarskule

Det var mange taletrengte politikarar som entra talarstolen då skulesaka i Etne kommunestyre skulle avgjerast torsdag kveld. Med ti mot sju røyster, blei det avgjort at skulestarten i august 2022 blir femdagarskule.

Både i sosiale media, i mediespaltene og blant praten på gata har det vore tydeleg at innbyggjarane i Etne kommune har vore veldig delte i diskusjonen rundt fire- eller femdagarskule. Det same var det også i kommunestyresalen torsdag kveld, men etter ein lang debatt var det femdagarsveka som fekk flest stemmer frå kommunestyrtrepresentantane. Dermed blir skulestarten i august 2022, ei oppstart utan onsdagsfri for elevane.

Innleiingsvis kunne ordførar Mette Heidi Bergsvåg Ekrheim opplysa at ho hadde mottatt to ulike underskriftskampanjar frå foreldre i kommunen. Firedagarskulen hadde 193 underskrifter, mens femdagarskulen hadde 185 underskrifter.