Fire vestlandskommunar får stønad til breibandsutbygging

Hovudutval for næring i Vestland fylkeskommune har løyvd over 10 millionar kroner til breibandsutbygging i 2025. Fire kommunar deler midlane.

Midlane går til område som framleis har under 100 Mbit/s, og der det ikkje er kommersielt lønsamt å byggje ut.

– Dette arbeidet gjer at vi ligg langt framme når det gjeld å nå den nasjonale målsetjinga om 1 gigabit/s til alle innan 2030, seier Sigrid Brattabø Handegard, leiar i hovudutval for næring i Vestland fylkeskommune, i ei pressemelding.