Ordførar i Etne, Mette Heidi Bergsvåg Ekrheim (Sp).
FOTO: Grethe Hopland Ravn
Kommuneval 2023
Fire nye år for Mette Heidi
Tysdag kveld inngjekk Senterpartiet, Arbeidarpartiet, Høgre, og Kristeleg Folkeparti ein valteknisk avtale, der Mette Heidi Ekrheim Bergsvåg (Sp) får fire nye år som ordførar i Etne, mens nykommar Andreas Grumheden (Ap) blir varaordførar. Kenneth Karlsen (Frp) er skuffa.
Det gjekk ikkje slik Framstegspartiet håpa på, med Kenneth Karlsen i ordførarstolen. Den valtekniske avtalen i neste kommunestyreperiode er ein avtale mellom Senterpartiet, Arbeidarpartiet, Høgre og Kristeleg Folkeparti. I den signerte avtalen er dei einige om at Mette Heidi Bergsvåg Ekrheim får fire nye år som ordførar i Etne kommune, mens Andreas Grumheden frå Arbeidarpartiet blir varaordførar.
Det nye formannskapet blir ordføraren i tillegg til Sjur Aakra (Sp), Andreas Grumheden (Ap), Linda Bøthun (H), Øyvind Kaldheim (KrF) og to representarntar frå Frp, som så langt ikkje er namngjevne.
