Fire nye år for Mette Heidi

Det gjekk ikkje slik Framstegspartiet håpa på, med Kenneth Karlsen i ordførarstolen. Den valtekniske avtalen i neste kommunestyreperiode er ein avtale mellom Senterpartiet, Arbeidarpartiet, Høgre og Kristeleg Folkeparti. I den signerte avtalen er dei einige om at Mette Heidi Bergsvåg Ekrheim får fire nye år som ordførar i Etne kommune, mens Andreas Grumheden frå Arbeidarpartiet blir varaordførar.

Det nye formannskapet blir ordføraren i tillegg til Sjur Aakra (Sp), Andreas Grumheden (Ap), Linda Bøthun (H), Øyvind Kaldheim (KrF) og to representarntar frå Frp, som så langt ikkje er namngjevne.

I hovudutvalet blir Arild Stenberg (H) leiar, mens Andreas Aune blir nestleiar. Ole Funderud (KrF) og Hilde Hellenes (Ap) er også representert, i tillegg til ein representant frå Frp som så langt ikkje er namngjeven.

Framstegspartiet får leiarvervet i kontrollutvalet, men kven det blir er førebels ukjent.

Skuffa Karlsen

Etne FrP kan opplysa at dei har forsøkt forhandlinger med alle parti. Senterpartiet har ikkje villa svara på Frp sine hendvendelsar, ei heller KrF. Høgre som Frp hadde skissert eit forslag til gjekk heller tidleg i forhandlingar med Arbeiderpartiet og Senterpartiet.

Etne Frp opplyser i ei pressemelding at dei heile tida arbeidde for at innbyggjarane sine røyster skulle bli høyrde. Dei fekk eit historisk valresultat og ble størst i kommunen, samstundes som deira ordførarkandidat fekk godt over 100 personstemmer fleire enn Mette Heidi Bergsvåg Ekrheim.

— Me er skuffa! Me har arbeida med Sp i fire år og trudde dei ville snakka med oss slik at eit eventuelt samarbeid kunne gjenslpelga oppslutninga me fekk av folket, seier Johannes Kringlebotten som er forhandlingsleiar for Frp.

Kenneth Karlsen som er ordførarkandidat er skuffa.

— Sjølv om det ser ut til at me hamnar ufrivillig i opposisjon frå oktober av, så skal me arbeida konstruktivt for våre innbyggjarar gjennom god ombodspolitikk for folk flest dei neste 4 åra. Eg vil uansett takka alle innbyggjarane våre som røysta på oss og som ønska eit skifte i kommunen vår, seier han.