Spesialitetsmerket til Skakkeaure og Absolut Tradisjon. Frå venstre statsminister Erna Solberg, Roy Martin Øyjord, Skekkalaks, statsråd Olaug Bollestad, Mikael frå Mikaels Laks og administrerande direktør Nina Sundqvist i Stiftelsen Norsk Mat.
Foto: Oda Christensen/Stiftelsen Norsk Mat
Fekk kvalitetsmerke og gratulasjonar frå statsministeren og matministeren
Roy Martin Øyjord i Skakkelaks fekk heider for sitt røykeprodukt, samt gratulasjon frå både statsminister og mat- og landbruksminister, under opninga av Gladmatfestivalen.
Den store matfestivalen i Stavanger opna onsdag godt for etnebuen Roy Martin Øyjord som har tatt turen over Boknafjorden for å selja og promotera sine røykeprodukt. Ikledd vikingklede blei matgründeren frå Etne kalla fram for å motta Stiftelsen Norsk Mat sin heider, Spesialitetsmerket, for Skakkeaure.
På scenen» fekk han helsa på statsminister Erna Solberg (H) og landbruks- og matminister Olaug Bollestad (KrF) som stod for sjølve heidersoverrekkinga. Også Mikals og Mikals Laks fekk tildelt Spesialitetsmerket, for sitt produkt, Absolut Tradisjon.
Det er produktet og ikkje produsenten som får merket. Bedrifta Skakkelaks har tidlegare gått gjennom nålaugaet for Skakkelaks, ein heiderstittel ein får tre år av gongen.
