Fekk gehøyr for klage

Vindafjord kommune har slått fast at sprenging av ein fjellknaus på Fikse er ulovleg utført og Fikse Stein AS som utførte sprenginga, må rydda opp etter seg.

— Me har hatt synfaring og møte med leiinga i Fikse Stein AS, og konkludert med at dei må tilbakeføra området slik det var, fortel einingsleiar i Vindafjord kommune, Anne Sofie Sandvik.

— Bedrifta er villig til å rydda opp etter seg, seier ho.