Fekk forska på fargar
Ingrid Synnøve Garvik Ebne (7), Betty Elise Garvik Ebne (4) og Ola Klokkerstuen Wengensteen (5) leika forskarar då Fugl Fønix arrangerte 20-årsjubileum.
Sjølv om himmelen truga med regn, såg det ut til at vêrgudane var i godlynne og bestemte seg for å spara dråpane til utpå ettermiddagen laurdag. Det passa godt for både utstillarar og besøkjande som gjesta marknadstorget, som var ein del av Fugl Fønix si 20-årsmarkering. Midt på torget står ein aldri så liten forskarfabrikk, og rundt dei to forskarane Heidi Ektvedt og Storm Osdal flokkar det seg barn som får boltra seg med både reagensrøyr og pipelte, der dei får forska på korleis ein kan laga alle moglege sekundær- og tertiærfargar, av dei tre primærfargane ein har.
— Dette var kjempekjekt! Å sjå kva som skjer når ein blandar fargar, var spennande, og så fekk me sjå kva som skjer når ein tar matolje oppi røyra, seier sjuåringen Ingrid Synnøve Garvik Ebne engasjert.
Ekstra stas er det at dei også får tilføra perler i røyra, og resultatet blir ein liten mini-lavalampe» som dei får lov til å ta med seg heim.
