Karina Nonslid i eit arkivfoto frå 2024.
FOTO: SVEIN-ERIK LARSEN
Fekk Anton Holtens minnepris
Den todelte Anton Holtens minnepris blei som vanleg utdelt under Vikedal Roots Music Festival i helga. Eldsjelprisen blei tildelt Karina Nonslid (57) frå Skjold, og Nathalie Lyngholm (19) frå Haugesund fekk musikkprisen.
Nittenåringen fekk musikkprisen og kvitterte til publikum med to låtar. Dei som har sett The Voice denne sesongen, kjenner nok Nathalie Lyngholm.
Karina Nonslid var bortreist, men ho har i mange år vore engasjert i motorsporten med leiarverv i NMK Vikedal, i seinaste elleve år som hovudleiar. Ho er styremedlem i Norsk Motor Klubb (NMK) nasjonalt, etter først å ha vore varamedlem. Opphavleg frå Fredrikshavn i Danmark, kom ho hit til landet saman med foreldra midt på 80-talet.
I Skjold er ho svært engasjert i speidaren og UL Skjoldafjord. Ho har dessutan sett spor etter seg i skulemusikken, Skjold på tvers» og ulike kulturprosjekt. Typisk er det at ho har engasjert seg der ungane hennar har vore engasjert, og så har ho blitt verande.
