Inge Fatland (t.v) og Bjørn Asgeir Alvseike har fått det store aggregatet inn i lastebilen som skal køyra det ned til Ukraina. Aggregatet var ei gåve frå Fatland slakteri.
Grethe Hopland Ravn
Fatland-gåve kan gi straum til hundrevis
Eit aggregat frå slakteriet som ikkje lenger blir brukt, er straks på veg sørover til Ukraina med THK-stiftelsen. Ei slik gåve kan bli avgjerande for ukrainske familiar i ein kvardag utan straum.
Eit stort dieselaggregat som i mange år har stått
ubrukt på slakteriet til Fatland i Ølen, er no på veg mot eit heilt nytt liv –
i Ukraina. Tysdag i neste veke blir aggregatet lasta opp og sendt ned med
THK-stiftelsen, som jamleg køyrer nødhjelp til det krigsråka område. Gåva kan
bli viktig for familiar som lever med ustabil straumforsyning og lange
straumbrot. Ifølgje Bjørn Asgeir Alvseike frå Ølen, som er sjåfør for THK, er
kapasiteten i dette aggregatet stor nok til at fleire hundre menneske kan halda
varmen.
— I Ukraina er det ofte mange som bur under same
tak. Det kan vera store familiar, som gjerne har tatt i hus slektningar som har
mista alt i krigen. Eit aggregat som dette, kan fort hjelpa 800 menneske med
varme, seier Alvseike.
Skulle ryddast vekk
