Får kurshjelp
Karmøy Røde Kors har strekt ut ei hand til kollegaene i Vindafjord og vil bidra med sine erfaringar. Malin Kaldheim fortel at dei har kontakt med ei frå Karmøy som skal halde kurs på Røde Kors-huset i Vikedal for dei som vil bli besøksvenner.
— Me har ikkje bestemt dato, men håpar å få det til kjappast mogleg, seier Kaldheim.
Deltakarane skal gjennom fire kurs; introduksjonskurs til Røde Kors, grunnkurs psykosial førstehjelp, norsk grunnkurs førstehjelp, og eit besøksvennkurs. Etter gjennomførte kurs kan besøksvennene styre seg sjølv.
— Dette er litt av grunnen til at me heller satsar på dette enn hjelpekorps, fortel Kaldheim.
I eit hjelpekorps ville det trengs kursoppfrisking kvart tredje år og er meir ansvar på leiaren. Besøksvennene må vere over 18 år.
Informasjonen om omsorg-planane blei godt spreia frå eit Facebook-innlegg, men det tok likevel tid før folk meldte seg som frivillige. Gjennom å stille til intervju og samarbeid med kommunen håpar Kaldheim å også spreie bodskapen til potensielle brukarar.
Annonse
— Me ønsker å få til eit lite samarbeid med heimetenesta, slik at dei kan gi ut brosjyrar om at ein kan melde seg til å få besøksvenn, seier Kaldheim.
Ho understrekar at også unge kan melde seg, berre dei er over 18 år.
— Alle som er einsame eller har nokon annan grunn til å ønske besøk kan delta, fortel Kaldheim.
