Får halde ope mot streng kontroll
Stord-selskapet som har planar i Etne, har klart å innfri krava frå Statsforvaltaren.
Statsforvaltaren i Vestland har tidlegare trua Renevo AS om å stoppe mottak av avfall ved biogassanlegget deira på Stord denne sommaren. Dette på grunn av sjenerande lukt. No har Statsforvaltaren skrive i eit brev til verksemda om at dei får halde mottaket ope i sommmar, dersom dei leverer målingar, analysar og rapportar. Det var lokalavisa Sunnhordland som først omtala saka. Verksemda har lagt fram eit estimat til Statsforvaltaren om at biogassanlegget på Stord vil bli drifta innanfor luktgrensa som blei fastsett i august 2019. Det er Renevo AS som står bak planane om biogassanlegg på Tongane i Etne.
