Einingsleiar Kristin Tofte i NAV Vindafjord-Etne (t.h.) ser positivt på den lokale arbeidsmarknaden. Her med leiar Elisabeth Lie Nilsen i NAV Marked Nord-Rogaland.
Arkivfoto: Ingebjørg Rullestad Gjerde/Vindafjord kommune
Får folk i jobb
Nye tal frå NAV viser at både Etne og Vindafjord nok ein gong har lågare arbeidsløyse enn fylka sine og landssnittet i oktober. Leiar Kristin Tofte for NAV Vindafjord-Etne trekkjer fram det lokale næringslivet, og er glad for at bedrifter stadig tek kontakt for å få nye folk inn i arbeidslivet.
I Vindafjord står 62 personar heilt utan arbeid, noko som utgjer 1,2 prosent av arbeidsstyrken. I Etne er 33 personar heilt ledige – tilsvarande 1,5 prosent. Til samanlikning er arbeidsløysa 2,0 prosent på landsbasis, 1,9 prosent i Rogaland og 1,7 prosent i Vestland.
Leiar Kristin Tofte for NAV Vindafjord-Etne meiner tala ikkje er uventa.
— Dette har vore trenden i lengre tid, seier ho.
