SV-leder Audun Lysbakken kommenterte regjeringsplattforma i vandrehallen i Stortinget onsdag.
Foto: Terje Pedersen / NTB
Etterlyser meir grønt og raudt
NPK-NTB: SV-leiar Audun Lysbakken peikar på nokre ting han er nøgd med, men mange ting han ikkje er nøgd med i Hurdalsplattforma.
— I denne plattforma er det for mykje grått og for lite raudt og grønt, men SV kjem til å bidra med meir kraftfull politikk for rettferdig fordeling og miljø viss regjeringa kjem til oss for å forhandle, seier Lysbakken.
Han peikar mellom anna på utfasing av kommersielle aktørar i barnevernet, innføring av skulemat og gjenetablering av eit høgskuletilbod i Nesna som gode trekk, som også SV har støtta tidlegare. Her garanterer SV allereie no at dei vil danne fleirtal.
Det SV er misnøgd med, er særleg olje- og gasspolitikken og den sosiale utjamningspolitikken.
— Klima- og naturkrisa kan ikkje løysast med god retorikk og fine ønske, seier Lysbakken.
