Etterlengta skyss på plass
Kvar fredag framover kan vatsbuen få seg ein skreddarsydd busstur til Jokerbutikken på Knapphus. For 83 år gamle Tordis Lofthus er tilbodet svært kjærkome.
Fredag føremiddag var det vatsbuen sin tur til å få handlebussen på besøk. Den nyoppretta bussruta kjem i tillegg til rutene i Bjoa, Vikebygd og Imsland, og er eit tilbod til alle som enten har vanskeleg for å koma seg til butikken for eige hand, eller ønskjer litt selskap når handlekorga skal fyllast.
Den første handlebussen blei sett i gir i Vikebygd og Bjoa i februar 2019, og fem månader seinare var det Imsland sin tur. Nå står også Vats på rutekartet.
— Dette er kjempegreier. Eg har misunt Imsland og Vikebygd, seier Tordis Lofthus frå Skrunes i Vats, som er svært nøgd med at tilbodet er utvida til heimbygda.
