Etne og Vindafjord tilbyr førehandsrøysting på kveldstid

Den ordinære førehandsstemmeperioden er frå og med 10. august til og med 8. september. Same kvar i landet du er busett kan du førehandsrøyste i kva for ein kommune du vil. I Etne kommune er det ope for førehandsstemming i resepsjonen på Etne tinghus frå måndag til fredag mellom klokka 09.00 til 15.00. Ved tinghuset i Etne er tidene utvida til klokka 19.00 måndag og onsdag denne veka. I Vindafjord kommune er det opna for førehandsrøysting laurdag i Vikedal, Skjold og Ølen. I tillegg er det ope for førehandsrøysting kvardagar på rådhuset i Ølen frå 08.30 til 15.00, og til klokka 20.00 tysdag og torsdag.