Hanna Marvik Johansen og Lenard Ivar Bongon Amundsen står utan læreplass i haust. Hanna ønskjer seg læreplass som elektrikar, og Lenard vil gå i lære som portør. Begge synest det er synd at det ikkje er nok læreplassar til alle.
Foto: Grethe Hopland Ravn
Er to av 900 utan læreplass
Hanna Marvik Johansen (19) frå Imsland og Lenard Ivar Bongon Amundsen (18) frå Skjold skulle gjerne hatt travle dagar i nye jobbar. Slik blei det ikkje, for læreplassar som elektrikar og portør var ikkje å oppdriva. 900 andre i Rogaland og Vestland er i same situasjon.
I utgangspunktet hadde Hanna Marvik Johansen og Lenard Ivar Bongon Amundsen sett føre seg at august skulle brukast til å bli kjende på nye arbeidsplassar. Dei skulle hatt på seg arbeidsklede, og snart fått si første lærlingløn. Johansen som elektrikarlæring i ei eller anna lokal elektrikarbedrift, og Amundsen som portørlærling på sjukehus. Slik blei det verken for dei to, eller for rundt 900 andre ungdommar som ønskte læreplassar i Rogaland og Vestland denne hausten.
— Behovet for dyktige fagarbeidarar har aldri vore større, og ansvaret for å få desse ungdommane ut i arbeid, kviler på oss alle, seier Tom Kalsås (Ap) som er leiar av yrkesopplæringsnemnda i Rogaland.
10 lokale
