Frå arbeidet under Aker Solutions sitt prosjekt Hywind Tampen på Dommersnes i Vikebygd.
ARKIVFOTO: Johnny Engelsvoll/Equinor
Elleve turar til Sognefjorden
Slepet av dei 11 betongunderstella til Hywind Tampen er godt i gang frå Vikebygd. Ein og ein av dei 107,5 meter høge betongkonstruksjonane blir frakta til Gulen ved Sognefjorden.
Etter at glidestøypen er ferdig ved Dommersnes industriområde, blir substrukturane til Hywind Tampen monterte saman med tårn, turbinhus og blader.
Det første slepet gjekk frå Vikebygd for fem dagar sidan, og dei er venta å ta rundt halvanna døgn.
— Slepetida er heilt avhengig av vêrtilhøva, men vi estimerer om lag 35 timar, opplyser Gisle Ledel Johannessen, pressetalsperson i Equinor.
