Skånevikbuane Heidi Wannberg og Ole Funderud har bidratt mykje i prosessen med å få eit ute-basseng i bygda si. Denne veka mottok dei Grannarblomen.
FOTO: Ragnhild Kristine Løkken
Grannarblomen
Eldsjeler i Skånevik
Heidi Wannberg (64) og Ole Funderud (62) har hatt ei sentral rolle i idémyldringa, planlegginga og utføringa av utebassenget i Skånevik. Dei er begge opptatt av å halda bygda levande, og får denne veka Grannarblomen for sin innsats.
Paret flytta til Skånevik for 24 år sidan. Opphavleg kjem Wannberg frå Skjold og Funderud frå Løten i Hedmark. Dei kom først til bygda i samanheng med jobb på Sandvik gard på Skånevikstranda, men blei verande då ungane byrja å etablera seg på skulen. Det er eit val dei ikkje har angra eit sekund på.
— Det er så kjekt å bu i ei bygd som Skånevik. Det er eit yrande liv her, særleg når sola kjem fram, fortel Funderud.
Eldsjeler og initiativtakarar
