Ekteparet Aud Jorunn og Pål Atle Baustad har stått på for lokalsamfunnet i 30 år, og var blant dei som fekk Grannarblomen i fjor. No kan du nominere nye kandidatar som fortener ei merksemd for innsatsen dei gjer.
FOTO: Ragnhild Kristine Løkken
Grannarblomen
Ektepar har stått på i 30 år
Ekteparet har budd saman i Etne i over 30 år, og drive med frivillig arbeid like lenge. Dei har arrangert leirar for barn og vaksne, og starta hobbyklubbar og kor for barn i ulike aldrar. Denne veka får dei Grannarblomen for innsatsen dei har lagt ned for å skape samhald og glede blant både små og store.
Følgde familietradisjonen
Aud Jorunn jobbar til dagleg som kyrkjeverje i Etne kyrkje, og Pål Atle jobbar i vaktermeisterteam på Gnisten i Sandeid. Fritida fyller dei opp med ulike aktivitetar, og det har dei gjort sidan dei flytta til Etne, heimbygda til Aud Jorunn, for 30 år sidan. Blant anna tok dei over jenteforeininga som blei starta for mange år sidan, av bestemor til Aud Jorunn.
