Ny kraftlinje i Etnefjellet engasjerer, no reagerer Terje Kollbotn (R) (til høgre) på det han kallar useriøse og panikkarta tiltak frå NVE og Statnett si side. Her frå energikonferansen på Skakke i mai i år.
Foto: Jon Edvardsen
— Eit bestillingsverk frå Statnett og NVE
Terje Kollbotn (R) reagerer kraftig på det han oppfattar som eit reint bestillingsverk frå Statnett og NVE til Multuconsult. Han omtalar det som eit utilslørt forsøk på å pynta på» at monstermast-løysinga har langt større natur- og miljøkonsekvensar enn Statnett til no har innrømt.
Den 27. september sendte NVE eit brev med eit tilleggsnotat til Vestland og Rogaland fylkeskommunar, til enkelte kommunar og andre offentlege høyringsinstansar med høyringsfrist ein knapp månad seinare; 21. oktober. Notatet er ein fagrapport om naturmangfaldet og friluftslivet langs traseen Blåfalli–Gismarvik, og er etter Raudt-politikar Terje Kollbotn sitt syn svært mangelfull, og presentert på eit sviktande grunnlag sett i lys av dagens miljøkrav.
— Svarfristen frå NVE er i tillegg uvanleg knapp. Om fylket likevel rekk å svara, forventar eg at dei formidlar vedtaket i fylkestinget frå mars i år, der Vestland fylkesting gjekk inn for at jord- og sjøkabel skal utgreiast som eit reelt alternativ på lik linje med luftspenn i samband med utbygging av nye kraftleidningar. Det er på tide at NVE pålegg Statnett å utgreia dette. Noko anna ville vera ei politisk skandale, seier Kollbotn, som sjølv har fast sete i Vestland fylkesting.
Enklare og raskare
