Ein lågare terskel for hjelp

Ved nyttår tredde den nye barnevernsreforma i kraft og kommunane får auka fagleg og økonomisk ansvar. Det overordna målet med reforma er eit betre barnevern der tenestetilbodet skal kunna tilpassast lokale behov, og ikkje minst skal reforma også bidra til å styrka arbeidet med førebygging og tidleg innsats. Sjølv om reforma først og fremst regulerer barnevernet, er det stor semje om at den best kan nå måla gjennom endringar i heile oppvekstsektoren. Etne kommune samarbeider med Vindafjord kommune rundt både barnevern, PPT og NAV. Dette er sentrale samarbeidsområde som alle femnar oppvekstreforma. Som ein del av samarbeidet kjem Etne også til å bli ein del av Vindafjord sitt familieteam. Etne kommune har budsjettert med 800.000 kroner til eitt årsverk i familieteamet for 2023.

Ein landsby må til

Alle dei politiske partia støtta opp om saka, og Siri Klokkerstuen (Ap) synest dette var ei viktig og god sak.