Ei fjør i hatten for Aadland
For tredje gong får Tom Roger Aadland kunstnarstipend frå staten. Ved sida av å skriva musikk for eigen karriere, planlegg han med hjelp av stipendet å skriva meir musikk for andre artistar.
Det var godt i overkant av fem tusen personar som søkte kunstnarstipend i år, og det var litt over tusen av dei som fekk positivt svar frå Kulturdirektoratet gjennom Statens kunstnarstipend. Det er eit komponiststipend den utflytta vikebygdingen har fått tildelt.
— Det heng høgt for meg dette, for eg veit at det kun var tjue stipend som vart delt ut til populærmusikk, seier Tom Roger Aadland.
Aadland seier at det han har fått er eit arbeidsstipend kor det ligg implisitt at ein skal skapa nytt materiale. Ettersom han fekk liknande stipend i det han meiner var i 2013, og for rundt fem år sidan, er han kjend med krava som slike stipend fører med seg.
