— Eg var ute og sto på ski til det blei mørkt

— Den store hobbyen her i huset er skyting.

— Kor reiser du helst på ferie?

— Me bur i eit flott land, så me reiser mest i Norge

— Kva er det beste med bygda du bur i?

— Flott natur, og mange flotte arbeidsplassar

— Kva saknar du i bygda di?

— Kan ikkje komme på at eg saknar så mykje

— Kva er ditt favorittmåltid?

— Det må bli ein god hjortebiff med tilbehør

— Kva gler deg og kva irriterer deg?

— Det gler meg at familien min har det bra, og så blir eg irritert over folk som berre set seg sjølv først.

— Dersom du hadde politisk makt, kva ville du kjempa for?

— Betre kommuneøkonomi slik at ein kunne brukt betydelege resursar på skule og eldreomsorg. Og ny E134 over Fikse.

— Kva gjer du når du skal unne deg noko ekstra?

— Då tar eg med familien på eit godt måltid mat, heime eller ute på restaurant

— Kva er ditt beste barndomsminne?

— Det må nok vera å komme heim frå skulen, mamma var alltid heime, middagen var klar og eg var ute og sto på ski til det blei mørkt.

— Kven ser du mest opp til?

— Det må vera eldsjelene i bygdene som brukar all si tid på å organisere/trene/lage til arrangement osv. Dette er folk som gjer stor forskjell og set andre før seg sjølv.