— Eg ser opp til dei som snakkar sant om livet

— Kva er din favoritthobby?
— Vanskeleg å velja éin, eg likar å vera kreativ, laga mat, baka surdeig, gå tur, strikka ++

— Kor reiser du helst på ferie?
— Eg likar godt å oppleva ting saman med familie og gode vener, så då er destinasjonen i andre rekke.

— Kva er det beste med bygda du bur i?
— Flott natur og gode turmoglegheiter, og eit bedehus der det er aktivitet for både unge og eldre.

— Kva saknar du i bygda di?
— Skulle gjerne hatt ei badestrand og ein tursti med lys i Ølensvåg.

— Kva er ditt favorittmåltid?
— Det må vera tapas.

— Kva gler deg, og kva irriterer deg mest?
— Eg blir glad for å møta folk som vil noko og ser moglegheiter.

— Dersom du hadde politisk makt, kva ville du kjempa for?
— Gode oppvekstvilkår, god eldreomsorg og å få gjort noko med fattigdom.

— Kva gjer du når du skal unna deg noko ekstra?
— Då vil eg helst samla familie eller vener til eit godt måltid mat.

— Kva er ditt beste barndomsminne?
— På bibelcamp i telt i Lyngdal.

— Kven ser du mest opp til?
— Leon, mannen min! Eg ser òg opp til dei som snakkar sant om livet. Eg har tru på at delt sårbarheit og delt liv er ei gåve til oss.