— Eg gler meg veldig til Vindafjordhallen kan takast i bruk igjen

— Min favoritthobby er musikk. Det å skapa harmoniar i lag med andre er utruleg givande.

— Kor reiser du helst på ferie?

— Ein fin ferietur for meg kan vera ei langhelg til ein europeisk storby i lag med Tove.

— Kva er det beste med bygda du bur i?

— Det beste med Vats er alle dei fine folka, i tillegg til nærleiken til fjell og fjord.

— Kva saknar du i bygda di?

— Om eg saknar noko i bygda vår, må det vera sykkel- og gangveg frå Knapphus til Nedre Vats. I tillegg saknar eg samlingsplassen vår, så eg gler meg veldig til Vindafjordhallen kan takast i bruk igjen.

— Kva er ditt favorittmåltid?

— Mitt favorittmåltid er ein god biff, omnsbaka poteter og rotgrønsaker, mykje saus og ein god raudvin. Og sjølvsagt ein god dessert, kanskje fruktsalat og vaniljesaus.. og viktigast av alt: Å eta i lag med gode venner.

— Kva gler deg og kva irriterer deg?

— Eg gler meg over å tilbringa tid i lag med familien, ikkje minst barnebarna Olivia og Ellinor.

Eg blir irritert når (om) Viking slår Haugesund. Har ein tendens til å bli ein smule engasjert…

— Dersom du hadde politisk makt, kva ville du kjempa for?

— Då ville eg jobba for god eldreomsorg, og gode oppvekstvilkår for dei minste.

— Kva gjer du når du skal unne deg noko ekstra?

— Om eg skal unne meg noko ekstra, blir det på med kosebukse, fram med litt (mykje) snacks og setja på ein god serie eller film.

— Kva er ditt beste barndomsminne?

— Mine beste barndomsminne er turane til Hogganvik, på besøk hos mormor og morfar. Me gjekk til sjøen for å bada, leika og fiska krabbar. Alltid mykje liv og folk der.

— Kven ser du mest opp til?

— Den eg ser mest opp til må vera mamma! Så flink til å stilla opp for alle rundt seg, både for familie og arbeidsplass.