— Eg gler meg over at folk har det trygt, og at det er godt å bu her

— Kva er din favoritthobby?

— Møblar og motorar.

— Kor reiser du helst på ferie?

— Ulike plassar i Noreg.

— Kva er det beste med bygda du bur i?

— Det er veldig kjekt og godt å bu her.

— Kva saknar du i bygda di?

— Eg saknar ikkje noko spesielt. Det meste fungerer her.

— Kva er ditt favorittmåltid?

— Kjøttkaker er veldig godt.

— Kva gler og kva irriterer deg mest?

— Eg gler meg over at folk har det trygt, og at det er godt å bu her. Det som irriterer meg er all ufreda i verda.

— Dersom du hadde politisk makt, kva ville du ha kjempa for?

— Eg ville støtta dei som tek vare på menneske, spesielt dei som ikkje er fødde.

— Kva gjer du når du skal unna deg noko ekstra?

— Ein tur litt ute i det fri og å besøkje andre plassar i landet. Me brukar mykje pakketurar.

— Kva er ditt beste barndomsminne?

— Å få vekse opp på denne plassen. Her hadde me ein kombinasjon av fiske, jordbruk og andre interessante ting å vere med på.

— Kven ser du mest opp til?

— Dei som har vore i heimen min og har lagt alt til rette slik at eg har det godt i dag.