— Eg er blitt veldig glad i campingturar i Norge. Likar betre og betre å vera farande fant»

— Eg har ikkje nokon spesielle hobbyar, men trivst godt med jobbing» i hagen, på og i sjøen, og på hytta på Vågslid både sommar og vinter

— Kor reiser du helst på ferie?

— Eg er blitt veldig glad i campingturar i Norge. Likar betre og betre å vera farande fant» Magisk i Lofoten.

— Kva er det beste med bygda du bur i?

— Nærleiken til sjøen!! Folka her, og mogligheitene for turar i skog og mark rett utanfor døra.

— Kva saknar du i bygda di?

— Kanskje Joker Vats? Om det er lov å seie? Eg synest jo alle bygder burde hatt ein Joker Vats»

— Kva er ditt favorittmåltid?

— Ferske reker! Utan tvil!

— Kva gler og kva irriterer deg mest?

— Eg stortrivst og gler meg over gode venner. Det og familie betyr mest av alt.

Det som irriterer meg mest, er folk som trur de er betre enn andre.

— Dersom du hadde politisk makt, kva ville du kjempa for?

— Eg ville kjempa for at verda skulle bli ein betre stad å bu i for alle. Eg ville også jobba for levande bygder. Det er kjempeviktig å ta vare på alle dei små, unike gullplassene» rundt omkring i krikar og krokar. Kva blir vel Norge utan bakaren med den aller beste bolla, klesbutikken med den herlegaste dama bak disken, og betjeninga på nærbutikken som kjenner deg, i det du kjem inn døra. Det er dette som gir kvardagane våre det vesle ekstra.

— Kva gjer du når du skal unna deg noko ekstra?

— Det er viktig for meg å finna dei små, gode augeblikka i kvardagen. Det er dei me har mest av. Den ekstra gode kaffien hos konditoriet på veg til jobb, badet i sjøen (sjølv om ein kanskje heller skulle vore heima og laga middag), kaffikoppen ute i sola om morgonen og verdas beste kanelsnurr med masse vaniljekrem. Det treng absolutt ikkje vera dei store tinga

— Kva er ditt beste barndomsminne?

Turar med lastebilhuset, og mykje bading heima i Vats. Sol, sommar, fisking på magen frå brygga og sjøliv hos tante og onkel i Auklandshamn. Gardslivet hos mormor og morfar i Skjold. Bading i bekken, hesjing, søskenbarn, henting av kyr og mykje meir.

— Kven ser du mest opp til?

Eg ser opp til alle som vågar å vera seg sjølv! Dei som ikkje latar som om dei er betre enn andre, og som har beina godt og solid planta på jorda! Dette meiner eg er skikkeleg viktig i dagens samfunn.