Dyrebilete og pop-up-pizza trekte både lokale og hyttefolk
Fotografen bak dei flotte bileta er Trond Ponce frå Sandnes. Saman med kona Linn Gjerde eig han fjosen. Til vanleg tar han bilete av mellom anna landskap, ting han ser og arrangement som til dømes konfirmasjonar. Dyrene i Fotofjosen derimot, bestod berre av dyrebilete. Her kunne ein sjå profesjonelle bilete av både ørn, rådyr, piggsvin og mange andre dyr.
— Me pleier å gi ut vafler også, seier Trond Ponce.
Ekteparet starta med konseptet i 2022 då dei kjøpte sin første skrivar. Linn Gjerde fortel at ho skulle skrive tekstar til bileta han tok, men at dei arbeidde i ulikt tempo. Dei fann ut at skrivarane var dyre i drift og bestemte seg for å byrje med sal av bilete, kort og i tillegg kan ein bestille utskrift av eige bilete.
