Illustrasjon av den planlagde symjehallen og bygdehuset i Vats.
Dugnad må redde Vindafjordhallen frå fleire kutt
I eit felles vedtak tysdag gjekk formannskapet enda lenger enn kommunedirektør Yngve Folven Bergesen i sitt forsøk på å halde kommunen sine kostnadar til bygging av ny symjehall og bygdahus i Vats nede.
Dersom det ikkje kjem inn nok pengar frå ekstern finansiering eller dugnad for å halde kommunen sin eigenandel nede, må ein etter formannskapet sitt vedtak måtte revurdere om bygget sine hovudfunksjonar og sentrale tekniske installasjonar kan behaldast.
— Me spelar ballen litt til Vats-bygda, sa ordførar Ole Johan Vierdal (Sp).
GL Prosjektservice signerte nyleg ein samspelskontrakt om å gå vidare med prosessen for å bygge symjehall og bygdahus. Sist veke presenterte Marlies Lekven i HLM Arkitektur arkitektane sine planar for publikum.
