— Draumen er å reise til Italia og Japan

— Kva er din favoritthobby?

— Lesing. Eg elskar å lese bøker og kan lese nesten kor som helst, når som helst og i alle sjangrar.

—Kor reiser du helst på ferie?

— Til stader med fin natur eller arkitektur. Eg elskar gamlebyar og koselege gater. Draumen er å reise til Italia og Japan.

— Kva er det beste med bygda du bur i?

— Samhaldet og nærleik til familie og venner. Og sjølvsagt den vakre naturen med fjord og fjell.

— Kva saknar du i bygda di?

— Eeg saknar betre vegar og meir som skjer i vinterhalvåret.

— Kva er ditt favorittmåltid?

— Det er Sushi!

— Kva gler deg og kva irriterer deg?

— Det er mykje som gler meg. Familien min, fin natur og klassisk arkitektur, hyggelege folk, ein kaffikopp ute i sola, bøker, fotografering, musikk og film. Ting som irriterer meg er urettferdighet, hærverk/forsøpling og sure/negative folk som berre spreier dårleg energi.

— Kva gjer du når du skal unne deg noko ekstra?

— Sjokolade og eit glas vin, i godstolen med ei bok eller ein film.

— Kva er ditt beste barndomsminne?

— Hytteturar til Sydnesøy med familien der me koste oss med blant anna brettspel og plukking av blåbær på strå. Og mange fine fisketurar og fjellturar med pappa.

— Kven ser du mest opp til?

— Besteforeldra mine, dei er gode forbilder. Eg ser også opp til folk som tør å vere seg sjølve og som vågar å følge draumane sine. I Skånevik har me veldig mange som står ekstra på for å gjere bygda levande, desse ser eg også veldig opp til.