Tysvær
Døgnkvileplass for tungtransport opna
Frå onsdag er dei elektriske ladestasjonane for tunge køyretøy i drift i Aksdal næringspark. Frå før er det fyllestasjonar for bensin/diesel. Døgnkvileplassen har også toalett- og dusjfasilitetar som sjåførane kan nytte.
Alt dette vil betyr betre arbeidsvilkår for sjåførane, sikrare køyring og trafikk og mindre utslepp frå bilane.
Høgtideleg opning
Annonse
— Dette er den første døgnkvileplassen på Haugalandet og ein av dei største i landet, sa statssekretær i samferdselsdepartementet Tom Kalsås (A) i talen sin då han klipte snora.
— Inntil 80 slike døgnkvilestasjonar over heile landet er ein del av satsinga vår. Det vil også gjere arbeidsmiljøet betre for yrkessjåførar, og på den måten bidra til betre rekruttering til yrke.
Ikkje tilfeldig
Representantar frå Statens vegvesen var til stades, blant anna kommunikasjonsrådgjevar Lars Olve Hesjedal.
Annonse
— Me har sett på mange alternativ på Haugalandet, men dette er den avgjort beste plassen. Døgnkvileplassen ligg midt i det sentrale krysset mellom E134 og E39, med gode inn- og utkøyringar. Dette kjem til å bli fint for dei mange som arbeider i denne bransjen. Her er det gode fasilitetar, og dei vil sleppe å leite etter ein tilfeldig parkeringsplass der dei kan overnatte.
Divisjonsdirektør i Statens vegvesen, Cato Løkken, var også svært nøgd med arbeidet som er gjort av Døgnhvile AS.
Førland skulekorps sørga for god stemning. FOTO: MARIT TVEDT/TYSVÆR BYGDEBLAD
