DNA i slekteforsking
Laurdag 26. november blir det føredrag om bruk av DNA i slektsforsking på Vindafjord bibliotek. I tillegg blir det slektskafè som vanleg den fjerde laurdagen i månaden. Sigmund Steinsbø kjem og fortel kva ein kan forvente å finne om ein brukar DNA-test som metode i slektsgransking. Slektsgransking er ein svært utbredd hobby, og mange har tatt – eller vurderer å ta – DNA-test for å kartlegge. Men kva kan ein forvente av slike testar, og korleis gjer ein nytte av opplysningane? Steinsbø vil ta ein gjennomgang av kva DNA er, kva selskap som tilbyr slike, samt korleis ein kan nytte teknologien, kunnskapen og resultata frå testane i eiga slektsgransking. På slektskafèen kan alle som er interessert i slektsgransking kome innom for ein god samtale. Det vil vere frivillige frå Slekt og Data Haugaland tilstade for å gje råd og rettleiing. Ta gjerne med eigen pc.
