Sola stråler og varmar over Sør-Noreg i desse vårdagane. Enkelte stader kan vente seg opptil 20 grader, ifølgje meteorologane.
Illustrasjonsfoto: Lise Åserud / NTB / NPK
Det varme vårvêret held fram i Sør-Noreg
Lange periodar med sol og ein gradestokk som stadig kryp opp mot 20 grader, er vêrmeldinga for Sør-Noreg ut veka. I nord kan det derimot komme kjølig nedbør.
– Temperaturen kan komme opp mot 20 grader i områda som ligg innanfor kysten i Sør-Noreg, seier vakthavande meteorolog Martin Granrød til NTB.
Årsaka er eit høgtrykk som legg seg ute i Norskehavet, som sender varm temperatur innover landet. Temperaturen i kystbyane vil vere noko prega av kjølig temperatur frå havet.
Enkelte område i nord vil oppleve periodar med spreidd nedbør og eit fall på gradestokken fram mot søndag.
