BRUS: Julebrusen kom for vel for 50 år sidan. Det er ulike regionsbaserte preferansar både når det gjeld smak og farge.
Foto: Mariann Hillestad / Hansa Borg
Det starta med bringebær
– Julebrusen som Hansa lanserte i 1970, var eit heilt nytt produkt basert på nye essensar og ein ny resept. Han vart testa i månader forut for lanseringa den siste veka i november 1970, fortel Stina Kildedal-Johannessen, leiar for kommunikasjon og berekraft i Hansa Borg Bryggerier.
Denne ur-julebrusen er raud og smakar bringebær. Hansa var altså først ute, men i dag er det ei rekkje ulike produsentar på marknaden. Ifølgje Kildedal-Johannessen varierer smak og farge frå region til region.
– På det indre Austlandet finst fleire preferansar. Her er både den gylne og den raude julebrusen svært populære. Elles på Austlandet og på Vestlandet skal julebrusen vere raud og ha smak av bringebær. I sør skal julebrusen vere gyllen og ha ein fyldig smak, seier Kildedal-Johannessen.
