— Det er ingenting som slår fint vêr og båttur

— Kva er din favoritthobby?

— Det er litt sesongbasert. Nå på vinteren likar eg å gå på ski, mens på sommaren går det mykje i sykling. Elles er eg med i det lokale brannvesenet så då går det med litt tid der også.

— Kor reiser du helst på ferie?

— Det er ingenting som slår fint vêr og båttur i Ryfylke, men ein tur til syden går greit det og.

— Kva er det beste med bygda du bur i?

— Det må vera plassen i seg sjølv, men nå er det ein fin driv i bygda og masse kjekke folk som bur og flyttar til Sandeid. Så akkurat nå om dagen er det heilt kanon å vera Sandeidsbu»

— Kva saknar du i bygda di?

— Båthavn, og tomter til folk som vil byggja hus i Sandeid.

— Kva er ditt favorittmåltid?

— Taco

— Kva gler deg og kva irriterer deg?

— Eg gler meg over fint vêr, godt lag og båtliv. Eg irriterer meg over folk som ser problem, i staden for løysingar.

— Dersom du hadde politisk makt, kva ville du kjempa for?

— Forbetra vegnettet, til dømes over Fikse og tunnelen på Haukeli.

— Kva gjer du når du skal unne deg noko ekstra?

— Då inviterer eg venner på besøk til god mat og noko godt i glaset.

— Kva er ditt beste barndomsminne?

— Mine beste barndomsminner er fine sommerdager på hytta i Skånevik.

— Kven ser du mest opp til?

— Det er noko eg aldri har tenkt over så det har eg ingen konkrete svar på. Men eg ser vel opp til folk som får ting gjort, der det ikkje er så mykje dill dall.