— Det er ikkje feil med ein god hjortebiff med godt tilbehøyr

— Min store hobby er sau. Men er også veldig glad i jakt og fiske.

— Kor reiser du helst på ferie?

— Der har me vore litt einspora. Har trivst veldig godt på Hovden der me har vore mykje i badeland. Har også vore mykje i Seljord og Bø. Men etter at me bygde ny hytte i Etnefjellet så blir den også flittig brukt ved anledning. Der finn me skikkeleg roen.

— Kva er det beste med bygda du bur i?

— At me bur landleg til, men samtidig så har me det meste me treng rett rundt oss.

— Kva saknar du i bygda di?

— Betre og tryggare veg. I strekningen på europavegen mellom Haugesund og Oslo så finst det vel dessverre ikkje dårlegare parti enn det me har her gjennom bygda vår.

— Kva er ditt favorittmåltid?

— Fruens heimelaga roastbiff av hjort. Er heller ikkje feil med ein god hjortebiff med godt tilbehøyr.

— Kva gler deg og kva irriterer deg?

— Det gler meg veldig å følgja ungane på aktivitetar og sjå at dei har det kjekt i lag med andre. Det irriterer meg når eg høyrer om/ser ungar/ungdommar som ikkje er kjekke med kvarandre og når folk blir urettferdig behandla.

— Dersom du hadde politisk makt, kva ville du kjempa for?

— Fred på jord. Det skremmer meg med all uroa me har i verda nå.

— Kva gjer du når du skal unne deg noko ekstra?

— Då tar eg med meg kona og dei søte små og finn på noko kjekt i lag. Det kan vera alt frå å reisa å bowle, reisa ei helg på hotell eller å gå ut for eit betre måltid.

— Kva er ditt beste barndomsminne?

— Eitt av barndomsminna eg hugsar veldig godt er at eg fekk vera med når det skulle jaktast på reinsdyra som var sett ut i Etnefjellet. Eg fekk ligga på post med storskyttaren frå Etne og me fekk flokken vandrande forbi, berre nokre meter framfor oss. Elles engasjerte eg meg tidleg for sau og hugsar det var stor stas då eg fekk vera med på saueutstilling i Ølen.

— Kven ser du mest opp til?

— Eg ser opp til alle ja-menneska. Dei som tar seg tid til å hjelpa andre sjølv om dei har ein travel kvardag og dei som legg ned eit utal av timar med arbeid til fritidsaktivitetar til barn og unge. Eg er veldig glad for at eg har mange slike gode folk rundt meg.